სომხეთის საგარეო საქმეთა მინისტრი, არარატ მირზოიანი გაერო-ს გენერალური ასამბლეის 80-ე სესიის ფარგლებში საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელს, კაია კალასს შეხვდა, - ინფორმაციას უკრაინული მედია სომხეთის საგარეო საქმეთა სამინისტროზე დაყრდნობით ავრცელებს.

მათივე ინფორმაციით, მხარეებმა კმაყოფილებით აღნიშნეს, რომ სომხეთ-ევროკავშირის პარტნიორობა დინამიურად ვითარდება და ორმხრივი ინტერესის ყველა სფეროს მოიცავს.

სომხეთის საგარეო უწყების ცნობით, არარატ მირზოიანმა და კაია კალასმა გაცვალეს მოსაზრებები გეოპოლიტიკურ და რეგიონულ მოვლენებზე, ამ კონტექსტში ხაზი გაუსვეს სომხეთ-ევროკავშირის თანამშრომლობის პრიორიტეტულ პროგრამებს.

ამასთან, სომხეთის საგარეო საქმეთა მინისტრმა და ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში განიხილეს საერთაშორისო საკომუნიკაციო პროგრამების განხორციელებასთან დაკავშირებული საკითხები, რომლებიც რეგიონული სტაბილურობისა და მშვიდობის მნიშვნელოვან ფაქტორს წარმოადგენს.

სომხეთის საგარეო საქმეთა მინისტრმა და ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში განიხილეს საერთაშორისო საკომუნიკაციო პროგრამების განხორციელებასთან დაკავშირებული საკითხები, რომლებიც რეგიონული სტაბილურობისა და მშვიდობის მნიშვნელოვან ფაქტორს წარმოადგენს.