მელიქიშვილის გამზირზე, სადაც აქცია-მსვლელობა მიმდინარეობს, ცოტა ხსნის წინ ვითარება დაიძაბა.

აქციის მონაწილეებმა, რომლებიც გმირთა მოედნიდან მსვლელობით დაიძრნენ, მელიქიშვილის გამზირზე ამოსვლის დროს სავალი გზის სრული დაკავება მოისურვეს. ამ ფაქტს მათსა და სამართალდამცავებს შორის შეხლა-შემოხლა მოჰყვა.

„გაგვაშლევინეთ ბანერი“, - ისმოდა შეძახილები აქციის მონაწილეების მხრიდან.

ამ დროისთვის ვითარება განიმუხტა - მსვლელობის მონაწილეებმა გზის სავალი ნაწილი სრულად აითვისეს.

აქციის მონაწილეები საქართველოს პარლამენტამდე მსვლელობით მივლენ და გაჩერდებიან.