ევროკომისიის კოლეგია დღეს ბრიუსელში უსაფრთხოების საკითხებზე შეხვედრას გამართავს, - ინფორმაციას უკრაინული მედია ავრცელებს.

მათივე ინფორმაციით, შეხვედრას ნატო-ს გენერალური მდივანი მარკ რუტეც დაესწრება.

„დილით გაიმართება ევროკომისიის კოლეგიის შეხვედრა უსაფრთხოების საკითხებზე, რომელშიც მონაწილეობას ნატო-ს გენერალური მდივანი მარკ რუტე მიიღებს“, - განაცხადა წყარომ მედიასთან საუბარში.

მისი თქმით, ევროკომისრები, სხვა საკითხებთან ერთად, ევროკავშირის თავდაცვის სტრატეგიის, „მზადყოფნა 2030“-ის გეგმებსაც განიხილავენ.