სომხეთის საგარეო საქმეთა მინისტრი, არარატ მირზოიანი ნატო-ს გენერალური მდივნის მოადგილეს, რადმილა შეკერინსკას შეხვდა, - ინფორმაციას სომხური მედია ქვეყნის საგარეო საქმეთა სამინისტროზე დაყრდნობით ავრცელებს.

მათივე ინფორმაციით, შეხვედრა ვარშავის უსაფრთხოების ფორუმის ფარგლებში გაიმართა.

მხარეებმა, სხვა საკითხებთან ერთად, განიხილეს სომხეთსა და ნატო-ს შორის პარტნიორობის გაფართოების შესაძლებლობები და ხაზი გაუსვეს უფრო ამბიციური დღის წესრიგის შემუშავებისადმი მათ ინტერესს.

შეხვედრაზე, რეგიონულ მოვლენებზე ფოკუსირებისას, არარატ მირზოიანმა და რადმილა შეკერინსკამ გაცვალეს მოსაზრებები მშვიდობის დამყარებაში ვაშინგტონის შეთანხმებების მნიშვნელობაზე და ასევე „საერთაშორისო მშვიდობისა და კეთილდღეობისკენ ტრამპის გზის“ საკომუნიკაციო პროგრამის განხორციელების კუთხით.