ავსტრიელი ევროპარლამენტარი, ჰელმუტ ბრანდშტეტერი პარტია „გირჩი-მეტი თავისუფლების“ წევრის, გელა ხასაიას დაკავებას ეხმაურება და აცხადებს, რომ „ქართული ოცნების“ ხელისუფლება ნამდვილ კოშმარად იქცა ქართველი ხალხისთვის.

„თავისუფლება გელა ხასაიას! „ქართული ოცნება“ ახლა ნამდვილ კოშმარად იქცა თავისუფლების მოყვარული ქართველი ხალხისთვის“, - წერს ევროპარლამენტარი.

ცნობისთვის, შინაგან საქმეთა სამინისტრომ „გირჩი - მეტი თავისუფლების“ წევრი გელა ხასაია ჯანმრთელობის განზრახ მსუბუქი დაზიანების ბრალდებით დააკავა. უწყების ცნობით, მასთან ერთად დაკავებულია კიდევ ერთი პირი.

შსს-ს განცხადებით, გამოძიებით დადგინდა, რომ ბრალდებულებმა ურთიერთშელაპარაკების ნიადაგზე, 1975 წელს დაბადებულ რ.ჩ-ს ჯანმრთელობის სხვადასხვა სახის დაზიანებები მიაყენეს და შემთხვევის ადგილიდან მიიმალნენ. დაშავებული კლინიკაშია გადაყვანილი.