რუსებმა ხარკოვს ბალისტიკური რაკეტებითა და მართვადი საჰაერო ბომბებით შეუტიეს, დაშავებულია 6 ადამიანი
რუსებმა უკრაინის ქალაქ ხარკოვს 1-ელი ოქტომბრის ღამეს ბალისტიკური რაკეტებითა და მართვადი საჰაერო ბომბებით შეუტიეს, რის შედეგადაც ექვსი ადამიანი დაშავდა, - ინფორმაციას უკრაინული მედია ავრცელებს.
ხარკოვის მერის, იგორ ტერეხოვის განცხადებით, სალტოვსკის და კიევის რაიონებში მართვადი საჰაერო ბომბების დარტყმების შედეგად კერძო სახლები და ავტოფარეხები განადგურდა და ხანძარი გაჩნდა. ხანძარი ასევე გაჩნდა ქალაქის ერთ-ერთ ბაზარში.
დაშავებულებს აფეთქების შედეგად მიღებული დაზიანებები აღენიშნებოდათ და საავადმყოფოში გადაიყვანეს.
