რუსეთს და კრემლს, რა თქმა უნდა, ის სურს, რომ აქ ქართველები ერთმანეთს დაერიონ, - ამის შესახებ “ლიბერალური აკადემიის” ხელმძღვანელმა, ლაშა ტუღუშმა “პალიტრანიუსის” გადაცემა “რეზიუმეში” განაცხადა.

როგორც ტუღუშმა აღნიშნა, მთავარი პრობლემა ოპოზიციიდან მოდის, რადგან მათ კრიტიკულ მომენტში ერთიანობა ვერ მოახერხეს.

“ცოტა კარიკატურული ტოტალიტარიზმია. რუსეთს და კრემლს, რა თქმა უნდა, ის სურს, რომ აქ ქართველები ერთმანეთს დაერიონ. ახლაც ხომ ძალიან პოლარიზებულია, გაყოფილია, ერთმანეთს ძალიან ცუდად ვუყურებთ უკვე მერამდენედ, მაგრამ რაღაც იმუნიტეტი გამოვიმუშავეთ იმიტომ, რომ ასეთი დამოკიდებულება რომ ყოფილიყო 90-იან წლებში, დარწმუნებული ვარ, რომ ბევრად უარესი სცენარი განვითარდებოდა, ვიდრე იყო. უბრალოდ, ხალხი მიხვდა, რომ რაღაც უნდა მოითმინოს, მაგრამ ამასაც აქვს თავისი ზღვარი. ძალიან სახიფათო სიტუაციაა.

ერთის მხრივ, გასაგებია, რომ ასე გაგრძელება წარმოუდგენელია. მთავარი პრობლემა სწორედ ოპოზიციიდან მოდის. შიდა პრობლემა, რომ მათ ვერ მოახერხეს გაერთიანება ყველაზე კრიტიკულ მომენტში, რათა ჰქონოდათ ერთიანი პოზიცია. დღესაც რას ლაპარაკობენ ერთმანეთზე. ჩემი აზრით და ამას ისტორიაც აჩვენებს, რომ ეს არის სტრატეგიული შეცდომა ამ პარტიების. იმედი მაქვს, რომ რაღაც მომენტში შეძლებენ გაერთიანებას იმიტომ, რომ უბრალოდ უფლება აღარ აქვთ, არ გაერთიანდნენ ქვეყნის ინტერესებიდან გამომდინარე”, - განაცხადა ლაშა ტუღუშმა.