რუსთაველის გამზირზე საპროტესტო აქცია მიმდინარეობს.

აქციის მონაწილეებს ადგილზე მოტანილი აქვთ საქართველოსა და ევროკავშირის დროშები. ცოტა ხნის წინ, პარლამენტთან მიმდინარე აქციას შეუერთდა "ქალების მარში", რომლებიც ფილარმონისთან იყვნენ შეკრებილი.

“თავისუფლება რეჟიმის ტყვეებს”, "ცეცხლი ოლიგარქიას!" - სკანდირებენ ისინი.

დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების ფარგლებში დაკავებული პირები.

საქართველოს პარლამენტთან საპროტესტო აქციები ყოველდღიურად უკვე 308 დღეა მიმდინარეობს.