უკრაინული მედია - ფრანგმა სამხედროებმა რუსეთის „ჩრდილოვან ფლოტთან“ დაკავშირებული ტანკერი დააკავეს
ფრანგმა სამხედროებმა რუსეთის „ჩრდილოვან ფლოტთან“ დაკავშირებული ტანკერი დააკავეს, - ინფორმაციას უკრაინული მედია გამოცემა „ფრანს-პრესზე“ დაყრდნობით ავრცელებს.
გამოცემის ცნობით, ფრანგი სამხედროები საფრანგეთის დასავლეთ სანაპიროსთან მდგომ რუსეთთან დაკავშირებულ ნავთობის ტანკერ „ბორკაიას“ ბორტზე ავიდნენ.
მედიაში გავრცელებული ინფორმაციით, საფრანგეთის ხელისუფლებამ ბენინის დროშის ქვეშ მცურავ ტანკერთან დაკავშირებით გამოძიება დაიწყო და შესაძლოა, ტანკერი ბოლო დროს დანიაში დრონებით გამოწვეულ ინციდენტებთან იყოს კავშირში.
საფრანგეთის პრეზიდენტმა, ემანუელ მაკრონმა განაცხადა, რომ ტანკერი „ბორკაია“ „სერიოზულ დარღვევებშია“ ეჭვმიტანილი.
