მაროკოში ანტისამთავრობო საპროტესტო აქციებზე დემონსტრანტებსა და სამართალდამცველებს შორის შეტაკებები მოხდა, - ინფორმაციას გამოცემა The Guardian-ი ავრცელებს.

მაროკოში ანტისამთავრობო საპროტესტო აქციები უკვე მეოთხე ღამეა გრძელდება.

ახალგაზრდები, კერძოდ „თაობა Z“, მთავრობას სოციალური პროგრამების ნაცვლად თანხების 2030 წლის მსოფლიო ჩემპიონატისთვის საფეხბურთო სტადიონებზე დახარჯვაში ადანაშაულებენ.

მაროკოს შინაგან საქმეთა სამინისტროს ცნობით, საპროტესტო აქციებზე 409 ადამიანი დააკავეს.

სამინისტროში განაცხადეს, რომ შეტაკებების შედეგად სამართალდამცავი ორგანოების 263 თანამშრომელი დაშავდა და 142 ავტომობილი დაზიანდა. ასევე, დაზიანდა 20 კერძო ავტომობილი და 23 სამოქალაქო პირი დაშავდა.