თბილისის საქალაქო სასამართლოში პოლიციელზე თავდასხმისთვის ბრალდებული პოეტის, ზვიად რატიანის სასამართლო პროცესი მიმდინარეობს.

დღევანდელ სასამართლო სხდომაზე, დაცვის მხარე დასკვნით სიტყვას იტყვის, რის შემდეგაც, ზვიად რატიანი საბოლოო სიტყვას წარმოთქვამს.

ინფორმაციისთვის, ზვიად რატიანს პოლიციელ თეიმურაზ მეშველაშვილზე თავდასხმას ედავებიან. ბრალდების მხარის მტკიცებით, რატიანმა თეიმურაზ მეშველაშვილს სახის არეში ხელი დაარტყა.

ცნობისთვის, პოეტი ზვიად რატიანი პოლიციელზე თავდასხმის ბრალდებით 23 ივნისს დააკავეს.

ბრალდება საქართველოს სისხლის სამართლის კოდექსის 353-ე პრიმა მუხლის პირველი ნაწილით (პოლიციელზე თავდასხმა, პოლიციელის სამსახურებრივ საქმიანობასთან დაკავშირებით) წარედგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.