გერმანიის შინაგან საქმეთა მინისტრის, ალექსანდრ დობრინდტის განცხადებუით, დრონების გამოჩენის შემდეგ მიუნხენის აეროპორტის დროებითი დახურვა დრონების საფრთხის შესახებ „მაღვიძარას ზარი“ იყო.

„დრონების საფრთხესა და დრონებისგან თავდაცვას შორის რბოლა სულ უფრო და უფრო რთულდება“, - განუცხადა მან გამოცემა Bild-ს და დასძინა, რომ ამ საკითხზე სასწრაფოდ არის საჭირო მეტი დაფინანსება და კვლევა ეროვნულ და ევროპულ დონეზე.

ბუნდესტაგში მმართველი პარტიის, CDU/CSU-ს საპარლამენტო ფრაქციის ლიდერმა, იენს შპანმა განაცხადა, რომ ინციდენტმა ხაზი გაუსვა „ინტეგრირებული და მოქნილი“ სისტემის საჭიროებას, რომელიც დრონების დაუყოვნებლივ განეიტრალების საშუალებას გააჩენს.

„ჩვენ რაც შეიძლება სწრაფად უნდა შევქმნათ დრონებისგან დაცვის ფუნქციონირებადი სისტემა“, - განუცხადა მან ადგილობრივ მედიას.

შეგახსენებთ, გერმანიის მიუნხენის აეროპორტში, დრონების დაფიქსირების გამო, ოპერაციები შეაჩერეს, რის შედეგადაც 17 ავიარეისი გაუქმდა და 3 000 მგზავრის მგზავრობა შეფერხდა.