ბათუმში ადგილობრივი თვითმმართველობის არჩევნები მშვიდ ვითარებაში მიმდინარეობს, - ამის შესახებ ბათუმის 79-ე საოლქო საარჩევნო კომისიის თავმჯდომარე ზვიად სურმანიძემ „ინტერპრესნიუსთან“ საუბრისას განაცხადა.

ბათუმის მერობისთვის ხუთი კანდიდატი იბრძვის, ბათუმის საკრებულოს არჩევნებში კი 9 პარტია მონაწილეობს, რომლებსაც 4 %-იანი ბარიერის გადალახვა მოუწევთ.

79-ე საოლქო საარჩევნო კომისიის ინფორმაციით, ბათუმში 157 439 ამომრჩეველია რეგისტრირებული, 89 საარჩევნო უბანია გახსნილი, ხოლო 90-ე საარჩევნო უბანი სასჯელაღსრულების დაწესებულებაშია, სადაც ამომრჩევლები ხმას ტრადიციული მეთოდი დააფიქსირებენ.

ბათუმის 89 საარჩევნო უბანში ხმის მიცემა ელექტრონული წესით მიმდინარეობს.

ასევე, აჭარის მუნიციპალიტეტებში საარჩევნო პროცესი ელექტრონული წესით მიმდინარეობს, თუმცა ქობულეთის მუნიციპალიტეტში აჭარის საარჩევნო უბანზე ამომრჩეველი ტრადიციული წესით შეძლებს ხმის მიცემას.

საკუთარი არჩევანი დააფიქსირა „ქართული ოცნებიდან“ ბათუმის მერობის კანდიდატმა გიორგი ცინცაძემ. მან ხმა 68-ე საარჩევნო უბანზე მისცა. საკუთარი არჩევანი დააფიქსირეს, მერობის ოპოზიციონერმა კანდიდატებმაც.