აშშ-ის სენატმა კვლავ ვერ დაამტკიცა „დემოკრატებისა“ და „რესპუბლიკელების“ მიერ მთავრობის დაფინანსების და მთავრობის დახურვის დასრულების შესახებ წარდგენილი წინადადებები.

„დემოკრატების“ წინადადება 45-55 ხმით ჩავარდა, ხოლო რესპუბლიკელების კანონპროექტი - 52-42 ხმით. ორივეს მისაღებად 60 ხმა იყო საჭირო. ეს ნიშნავს, რომ აშშ-ში ხუთი დღის წინ დაწყებული “შათდაუნი“ გრძელდება.

კენჭისყრამდე, პრეზიდენტმა დონალდ ტრამპმა განაცხადა, რომ კიდევ ერთი ჩავარდნილი კენჭისყრა მასობრივ გათავისუფლებას გამოიწვევს. ამასთან, მისი თქმით, მიმდინარეობს მოლაპარაკებები „დემოკრატებთან“ მათ მოთხოვნებთან დაკავშირებით.

ცნობისთვის, „დემოკრატები“ მოითხოვენ, რომ კანონმდებლობა ჯანდაცვის საკითხებსაც მოიცავდეს, „რესპუბლიკელები“ კი დაფინანსების „სუფთა“ კანონპროექტს მოითხოვენ.