რუსთაველის გამზირზე საპროტესტო აქცია განახლდა.

საკანონმდებლო ორგანოსთან შეკრებილმა მოქალაქეებმა საავტომობილო გზა გადაკეტეს.

დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების ფარგლებში დაკავებული პირები.

აქციის მონაწილეებს ადგილზე მოტანილი აქვთ საქართველოსა და ევროკავშირის დროშები.

გზის გადაკეტვამ რამდენიმე მძღოლში უკმაყოფილება გამოიწვია, მათ შორის, ერთ-ერთი მძღოლი და მისი თანამგზავრი აქციის მონაწილეებს სიტყვიერად დაუპირისპირდნენ.

დაპირისპირების შემდეგ მოქალაქეებმა პროტესტი გააგრძელეს. ამ წუთებში რუსთაველზე ავტომობილების გადაადგილება შეზღუდულია.

საპროტესტო აქციები რუსთაველის გამზირზე 314-ე დღეა მიმდინარეობს.