20 სექტემბერს, თბილისში აჯიბადემის კლინიკების ქსელის მხარდაჭერით გაიმართა ორგანიზებული საერთაშორისო სამედიცინო კონფერენცია. მთავარი მოვლენა მსოფლიოს წამყვანი ორთოპედ-ქირურგის, აშშ-სა და ბრიტანეთში სერთიფიცირებული პროფესორის, მედიცინის მეცნიერებათა დოქტორის, ჯავად პარვიზის ლექცია იყო.

Acıbadem Clinic Network-ის მხარდაჭერით ორგანიზებული კონფერენცია მიეძღვნა თემას -„ინოვაციები და პერსპექტივები ორთოპედიულ ინფექციებში, ართროპლასტიკასა და ბიოლოგიურ თერაპიაში“. მონაწილეობა მიიღო 100-ზე მეტმა ქართველმა და საერთაშორისო ექიმმა, პროფესორ ჯავად პარვიზის ხელმძღვანელობით. კონფერენციაზე ყურადღება გამახვილდა მკურნალობის თანამედროვე ტექნოლოგიებზე, სამედიცინო სიახლეებსა და ახალ შესაძლებლობებზე. მოწვეულმა სპეციალისტებმა და საერთაშორისოდ აღიარებულმა ექიმებმა თავიანთი გამოცდილება ქართველ ექიმებს გაუზიარეს. ღონისძიებას ინტერაქციული ფორმატი ჰქონდა, მათ შორის კითხვა-პასუხის სესიები და ცოცხალი დისკუსიები.

პროფესორმა პარვიზიმ ხაზი გაუსვა ართროპლასტიკის ერთ-ერთ ყველაზე რთულ ასპექტს- სახსრების პროთეზირებასთან დაკავშირებულ ინფექციებს, რომელიც სერიოზული გართულებაა სახსრის ჩანაცვლებითი ოპერაციის შემდეგ. ექიმი პარვიზის მუშაობა მიმართულია როგორც პროფილაქტიკურ სტრატეგიებზე, ასევე მკურნალობის მეთოდებზე და მიზნად ისახავს პაციენტების სამკურნალო შედეგების გაუმჯობესებას მთელს მსოფლიოში.

„მრავალწლიანმა სამედიცინო კვლევებმა და კლინიკურმა პრაქტიკამ აჩვენა, რომ უმეტეს შემთხვევაში ინფექციის პირველადი წყარო თავად პაციენტია. ამ პროცესში განსაკუთრებით მნიშვნელოვან როლს თამაშობს კანის ზედაპირი და კუჭ-ნაწლავის ტრაქტი, რომელიც რეზერვუარია პათოგენური ბაქტერიებისთვის.

კონფერენციის ფარგლებში ჩვენ დეტალურად შევისწავლეთ ოპერაციის შემდგომი ინფექციების წარმოქმნის მექანიზმები, განვიხილეთ მათი პრევენციის უახლესი გზები და აგრეთვე განვიხილეთ ასეთი შემთხვევების მკურნალობისთვის მტკიცებულებებზე დაფუძნებული მიდგომები.

"ამ ღონისძიებამ შეკრიბა ექსპერტები და სპეციალისტები მთელი მსოფლიოდან. ინტერაქციული დისკუსიების დროს ჩვენს კოლეგებს გავუზიარეთ საკუთარი გამოცდილება, განვიხილეთ საუკეთესო პრაქტიკები და პერსპექტიული მიმართულებები როგორც ინფექციის რისკის შესამცირებლად, ისე ართროპლასტიკის შემდგომი შედეგების გასაუმჯობესებლად", - აღნიშნა პროფესორმა ჯავად პარვიზიმ.

პროფესორმა იბრაჰიმ თუნჯაიმ, მედიცინის დოქტორმა, აჯიბადემის კლინიკების ქსელის ორთოპედიისა და ტრავმატოლოგიის წამყვანმა სპეციალისტმა, დამსწრე საზოგადოებას გაუზიარა საკუთარი გამოცდილება. მისი პრეზენტაცია ფოკუსირებული იყო ართროპლასტიკისა და რობოტული ქირურგიის მიღწევებზე:

"ორთოპედიის სფეროში ტექნოლოგიების განვითარების შედეგად, რობოტული ქირურგია სულ უფრო ფართოდ გამოიყენება, განსაკუთრებით ართროპლასტიკაში: ეს ნიშნავს ოპერაციებს დიდ სახსრებზე, მაგალითად - მუხლის სახსრის ჩანაცვლება. ართროპლასტიკა წარმოადგენს ეფექტურ ჩარევას, რომელიც საშუალებას აძლევს პაციენტებს აღიდგინონ მოძრაობის უნარი და განაგრძონ აქტიური ცხოვრება“.

თურქეთში 10 წელზე მეტია რაც რობოტული ქირურგია წარმატებით გამოიყენება და საკმაოდ ეფექტური დინამიკით ხასიათდება: ოპერაციის შემდგომი გამოჯანმრთელების პერიოდები მცირდება, რეაბილიტაცია უფრო სწრაფია და გართულებების რისკი მცირდება. გარდა ამისა, გრძელვადიანი შედეგები განსაკუთრებით დამაჯერებელია: პროთეზის ფუნქციონალური შენარჩუნება აღინიშნება მრავალი წლის განმავლობაში, ზოგიერთ შემთხვევაში კი სამ ათწლეულსაც აღემატება. ეს ნიშნავს იმას, რომ თანამედროვე ენდოპროთეზირება არა მხოლოდ აუმჯობესებს პაციენტების ცხოვრების ხარისხს მოკლევადიან პერიოდში, არამედ იძლევა საიმედო, გრძელვადიან შედეგებს.

კონფერენცია ემსახურებოდა არა მხოლოდ სამეცნიერო დისკუსიას, არამედ ქართველ ექიმებსა და აჯიბადემის წამყვან ექსპერტებს შორის უფრო მჭიდრო თანამშრომლობის დასაწყისს.

დღეს აჯიბადემის კლინიკათა ქსელი აერთიანებს 29 კლინიკას, 15 სამედიცინო ცენტრსა და საკუთარ უნივერსიტეტს. მისი გეოგრაფიული არეალი მოიცავს ხუთ ქვეყანას: თურქეთი, მაკედონია, ნიდერლანდები, სერბეთი და ბულგარეთი.

კლინიკები ფუნქციონირებს საერთაშორისო სტანდარტების მიხედვით და პაციენტებს სთავაზობს მკურნალობის უახლეს მეთოდებს მედიცინის ძირითად სფეროებში: ონკოლოგია, კარდიოლოგია, ტრანსპლანტაცია, IVF, ბირთვული მედიცინა და რობოტული ქირურგია.

აჯიბადემის კლინიკათა ქსელი 9-ჯერ იქნა აღიარებული ჯანდაცვის ექსპორტის ჩემპიონად და მიღებული აქვს LEED Gold სერთიფიკატი, რომელიც ადასტურებს ენერგოეფექტურობისა და ეკოლოგიური დიზაინის მაღალ სტანდარტებს.

დამატებითი ინფორმაციისთვის, რეგისტრაციისა და შეკითხვებისთვის:

წარმომადგენლობა თბილისში: ჭავჭავაძის გამზირი, 58

ტელ: +995 322 158 500

წარმომადგენლობა ქუთაისში: თამარ მეფის ქუჩა, 60

ტელ: +995 431 258 500

წარმომადგენლობა ბათუმში: ზურაბ გორგილაძე, 2

ტელ: +995 422 22 30 00

ოფიციალური ვებ-გვერდი: www.acibadem.ge

Instagram: @acibademsaglik

Facebook: Acibadem A Class Healthcare Services

(R)