კომპანია „ჯორჯიან უოთერ ენდ ფაუერი“, ქალაქ რუსთავის წყალმომარაგების სისტემური გაუმჯობესების ფარგლებში მნიშვნელოვან პროექტებს აქტიურად აგრძელებს. ამის შესახებ ინფორმაციას „ჯივიპი“ ავრცელებს.

როგორც გავრცელებულ ინფორმაციაშია ნათქვამი, მიმდინარე ეტაპზე კომპანიამ მოდებაძის ქუჩაზე წყალმომარაგების ამორტიზებული მაგისტრალური ქსელი სრულად განაახლა.

„ახალი ქსელის ექსპლუატაციაში შესვლის მიზნით, აღმაშენებლისა და მოდებაძის ქუჩების კვეთაზე გადაერთებით სამუშაოებს "ჯივიპი" ხვალ, 9 ოქტომბერს განახორციელებს. მოსახლეობისთვის ნაკლები დისკომფორტის შექმნის მიზნით, სამუშაოების ძირითადი ნაწილი ღამის საათებში შესრულდება.

აღნიშნულთან დაკავშირებით, სამუშაოების მიმდინარეობის პერიოდში აუცილებელია მაგისტრალური ქსელის წყლისგან დაცლა, რის გამოც ხვალ, 9 ოქტომბერს, საღამოს 23:00 საათიდან, 10 ოქტომბრის დღის 15:00 საათამდე წყალმომარაგება შეეზღუდება:

ქალაქ რუსთავში - მე-11-12, მე-16-19, მიკრორაიონებს, დავით აღმაშენებლის ქუჩას და I,II,III,IV გასასვლელებს, გრიგოლ ხანძთელის, ამირან ფანცულაიას, შოთა მოდებაძის, ალუბლების ქუჩას და გასასვლელებს, სანაპიროს ქუჩას და ჩიხს, ბესიკ კაპანაძის, სულიკო თოღორაშვილის, თორნიკე ერისთავის, დანიელ ჭონქაძის, გრიგოლ ორბელიანის, ალექსანდრე წულუკიძის ქუჩას, I და II შესახვევს, გიორგი ქუჩიშვილის, ალექსანდრე პუშკინის, ღლონტის (ლადო გუდიაშვილის ქუჩა), გალაქტიონ ტაბიძის, ივანე ტურგენევის ქუჩას და ჩიხს, ელენე ახვლედიანის და დავით კაკაბაძის ქუჩებს.

"ჯორჯიან უოთერ ენდ ფაუერი" ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, "ჯორჯიან უოთერ ენდ ფაუერი" აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge“, - ნათქვამია ინფორმაციაში.