მენტალური ჯანმრთელობის საუნივერსიტეტო კლინიკის სამშენებლო სამუშოები დასრულდა. ამ ეტაპზე კლინიკის ტექნიკური აღჭურვა მიმდინარეობს.

კლინიკა ვაშლიჯვარში, სარაჯიშვილის ქუჩა N17 ში მდებარეობს.

კლინიკის ძირითადი სტაციონარი გათვლილია 103 საწოლზე, 3 ძირითადი სტაციონარული განყოფილებით:

-მწვავე ფსიქიატრიული სტაციონარი;

-დუალური ნოზოლოგიის განყოფილება;

-ნარკოლოგიური დეტოქსიკაციის განყოფილება.

-კლინიკას ასევე ექნება სარეაბილიტაციო განყოფილება (30 საწოლი).

მენტალური ჯანმრთელობის საუნივერსიტეტო კლინიკა გათვალისწინებულია ამბულატორიული, გახანგრძლივებული ამბულატორიული (დღის ცენტრი), დამხმარე სარეაბილიტაციო (დღის ცენტრში-სტაციონარის შიდა) და ხანმოკლე დაყოვნების სტაციონარული სერვისის მიწოდება, ფსიქიკური და ქცევითი აშლილობებისა და დამოკიდებულების მართვის და მკურნალობის ყველა პროფილით.

კლინიკაში დასაქმდება 100-ზე მეტი სპეციალისტი.

მენტალური ჯანმრთელობის საუნივერსიტეტო კლინიკაში განთავსდება თსსუ-ის ფსიქიატრიისა და ნარკოლოგიის დეპარტამენტი. გათვალისწინებულია სასწავლო აუდიტორიები, სალექციო დარბაზი და შესაბამისი სასწავლო ინფრასტრუქტურის მოწყობა. სასწავლო ინფრასტრუქტურა გათვლილია ერთდროულად 150-ზე მეტი სტუდენტისათვის სასწავლო პროცესის უზრუნველყოფაზე.

ტექნიკური მახასიათებლები:

-მიწის ფართი - 3383 კვ.მ.- ია

-შენობის საერთო ფართობი არანაკლებ 6000 კვ.მ.-ია.

-სარეკრეაციო სივრცისთვის გამოყოფილია 300 კვ.მ.

-პროექტის მიხედვით, კლინიკას ექნება 20 ავტომობილზე გათლილი პარკინგი.

მენტალური ჯანმრთელობის საუნივერსიეტო კლინიკა პაციენტების მიღებას 2026 წლის დასაწყისში დაიწყებს.

ინფორმაციას თსსუ ავრცელებს.