შინაგან საქმეთა სამინისტრო თავდაცვის ყოფილი მინისტრის, ბაჩო ახალაიას უწყებაში დაბარებასთან დაკავშირებით განცხადებას ავრცელებს.

უწყების განმარტებით, ბაჩო ახალაია დაბარებულია მოწმის სახით გამოკითხვისა და ხმის ნიმუშის აღების მიზნით.

„საქართველოს შინაგან საქმეთა სამინისტროს, ცენტრალური კრიმინალური პოლიციის დეპარტამენტში, მიმდინარე წლის 4 ოქტომბერს, ქ. თბილისში განვითარებულ მოვლენებთან დაკავშირებით დაწყებული სისხლის სამართლის საქმის გამოძიების ფარგლებში, 2025 წლის 10 ოქტომბერს, 13:00 საათზე, მოწმის სახით გამოკითხვისა და ხმის ნიმუშის აღების მიზნით დაბარებულია 1980 წელს დაბადებული ბაჩანა ახალაია“,-აღნიშნულია უწყების მიერ გავრცელებულ განცხადებაში.