აშშ-ის ტენესის შტატში, ასაფეთქებელი ნივთიერებების ქარხანაში აფეთქებას მსხვერპლი მოჰყვა, - ინფორმაციას CNN-ი ავრცელებს.

ადგილობრივი ოფიციალური პირების ცნობით, სამხედრო ასაფეთქებელი ნივთიერებების ქარხანაში მომხდარი ძლიერი აფეთქების შედეგად, 18 ადამიანი დაიღუპა ან დაკარგულად ითვლება.

Accurate Energetic Systems-ის ქარხანაში მომხდარი აფეთქება 24 კილომეტრის მანძილზე იგრძნობოდა. ასევე, აფეთქების შედეგად ავტომობილები დაზიანდა.

ჰამფრისის ოლქის შერიფის, კრის დევისის განცხადებით, გამოძიების პროცესში სხვადასხვა სააგენტოა ჩართული, თუმცა აფეთქების მიზეზი ჯერჯერობით დაუდგენელია.