„ხსნის არმია“ მადლიერების დღეს აღნიშნავს
საერთაშორისო საქველმოქმედო ორგანიზაციის „ხსნის არმია“ წარმომადგენლობა საქართველოში მადლიერების დღეს აღნიშნავს.
ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
მათივე ინფორმაციით, ეს არის სპეციალური დღე, როცა მორწმუნეები მადლიერებას გამოხატავენ ღმერთის მიმართ მოსავლის გამო.
„დღესასწაულს შემოდგომაზე აღნიშნავენ და ტაძრებში შრომის ნაყოფი - ხილი, ბოსტნეული და პური მიაქვთ.
რელიგიის საკითხთა სახელმწიფო სააგენტო ულოცავს საერთაშორისო საქველმოქმედო ორგანიზაციის „ხსნის არმია" წარმომადგენლობას საქართველოში მადლიერების დღეს“, - ნათქვამია ინფორმაციაში.
