კოლუმბიაში აშშ-ის საელჩოსთან საპროტესტო აქციაზე დაპირისპირების შედეგად 4 პოლიციელი დაშავდა, - ინფორმაციას France 24-ი ავრცელებს.

გამოცემის ინფორმაციით, კოლუმბიის დედაქალაქ ბოგოტაში აშშ-ის საელჩოსთან საპროტესტო აქცია მოძრაობა Congreso de los Pueblos-მა (სახალხო კონგრესი) გამართა.

მოძრაობის ლიდერის, ჯიმი მორენის განცხადებით, დემონსტრანტები აშშ-ის პრეზიდენტის, დონალდ ტრამპის მემარჯვენე პოლიტიკას აპროტესტებდნენ.

„დამნაშავეები საელჩოს თავს ასაფეთქებელი მოწყობილობებით და ისრებით დაესხნენ. ოთხი პოლიციელი დაშავდა“, - განაცხადა ბოგოტას მერმა, კარლოს ფერნანდო გალანმა.

კოლუმბიის პრეზიდენტის, გუსტავო პეტროს ცნობით, აშშ-ის საელჩოსთან უსაფრთხოების დაცვის ბრძანება გასცა.

„საელჩოსთან პოლიციას სხვა უფრო რადიკალური ჯგუფი დაესხა თავს, რის შედეგადაც რამდენიმე ახალგაზრდა ისრებით დაშავდა“, - აღნიშნა პეტრომ.