სომხეთის ქალაქ გიუმრის მერიასთან პოლიციასა და მერის, ვარდან ღუქასიანის მხარდასაჭერად შეკრებილ მოქალაქეებს შორის შეტაკება მოხდა.

სომხური მედიის ინფორმაციით, სამართალდამცავებმა რამდენიმე ადამიანი დააკავეს.

მანამდე, კორუფციის წინააღმდეგ ბრძოლის კომიტეტმა განცხადება გაავრცელა, რომლის თანახმადაც, ღუქასიანი და მერიის რამდენიმე თანამშრომელი ქრთამის აღებაში არიან ეჭვმიტანილები. მერიის თანამშრომლების თქმით, მერი შენობაში იმყოფება. ის დაკავებულია და მალე, სავარაუდოდ, შენობიდან გაიყვანენ.