ნატო-ს გენერალური მდივანი, მარკ რუტე 21-22 ოქტომბერს აშშ-ში ჩავა. ამის შესახებ ინფორმაციას ნატო-ს პრესსამსახური ავრცელებს.

განცხადებაში აღნიშნულია, რომ თავისი ვიზიტის ფარგლებში რუტე ვაშინგტონს ეწვევა და აშშ-ის პრეზიდენტს, დონალდ ტრამპს შეხვდება.

მედიისთვის განცხადებების გაკეთება არ იგეგმება. ამ მომენტისთვის, უცნობია რას უკავშირდება რუტეს ბოლო მომენტში დაანონსებული ვიზიტი.