რუსეთზე ზეწოლა უნდა გაძლიერდეს, - ამის შესახებ ფინეთის საგარეო საქმეთა მინისტრმა, ელინა ვალტონენმა Bloomberg-თან ინტერვიუში განაცხადა.

ფინეთის საგარეო საქმეთა მინისტრის, ელინა ვალტონენის განცხადებით, აშშ-სა და ევროპის მიერ რუსეთის წინააღმდეგ დაწესებული ახალი სანქციები „უაღრესად მნიშვნელოვანია“.

„ჩვენ ზეწოლა უნდა გავაძლიეროთ. სამწუხაროდ, როგორც ჩანს, ჩვენ რუსეთის იმპერიალისტური მიზნების შეცვლას ვერ ვახერხებთ, თუმცა მათი გათვლების შეცვლა უნდა შევძლოთ“, - აღნიშნა ელინა ვალტონენმა.

შეგახსენებთ, მიმდინარე კვირაში აშშ-მა ორი უდიდესი რუსული ნავთობკომპანია - „როსნეფტი“ და „ლუკოილი“ დაასანქცირა. ასევე, ევროკავშირმა რუსეთის წინააღმდეგ სანქციების მე-19 პაკეტი მიიღო.