ლატვიიდან უკრაინაში 3 ნოემბერს სამხედრო დახმარების კიდევ ერთი პარტია და 65 ერთეული სატრანსპორტო საშუალება გაიგზავნება, - ინფორმაციას უკრაინული მედია ავრცელებს.

მათივე ინფორმაციით, დახმარების პაკეტი ქვეყანაას ენერგო კომპანია Latvenergo-მ კომპანია Sadales tīkls-თან თანამშრომლობით გადასცა.

ღონისძიებას დაესწრებიან საქველმოქმედო ორგანიზაცია Ziedot.lv-ის აღმასრულებელი დირექტორი რუტა დიმანტა, Latvenergo-ს ადმინისტრაციული დირექტორი არნის კურგსი, Sadales tīkls-ის საბჭოს წევრი და ტექნიკური დირექტორი რაიმონდს სკრები და Sadales tīkls-ის საბჭოს წევრი და განვითარების დირექტორი ვიგანტს რადზში.

ღონისძიებაში ასევე მონაწილეობას მიიღებენ ლატვიაში უკრაინის საელჩოს მრჩეველი იური ზახარჩუკი, ასევე Latvenergo-სა და Sadales tīkls-ის მოხალისე მძღოლები.

Latvenergo-მ უკრაინას უკვე გადასცა სულ 158 ერთეული მეორადი სატრანსპორტო საშუალება, რაც ხელს უწყობს უკრაინელი ჯარების მობილობის გაუმჯობესებას ფრონტის ხაზზე და მხარს უჭერს როგორც სამხედრო დანაყოფების გადაადგილებას, ასევე კრიტიკულად საჭირო რესურსების მიწოდებას.