საქართველოს კონკურენციისა და მომხმარებლის დაცვის სააგენტოს სასწავლო კვლევითი ცენტრი, მომხმარებლის უფლებებთან დაკავშირებით საზოგადოებაში ცნობიერების ამაღლების მიზნით, საინფორმაციო-საგანმანათლებლო შეხვედრებს განაგრძობს. ინფორმაციას, საქართველოს კონკურენციისა და მომხმარებლის დაცვის სააგენტო ავრცელებს.

მათივე ცნობით, კვლევითი ცენტრის ორგანიზებით, მორიგი შეხვედრა ივანე ჯავახიშვილის სახელობის თბილისის სახელმწიფო უნივერსიტეტის სტუდენტებთან გაიმართა.

„GCCA-ის მომხმარებლის უფლებების დაცვის დეპარტამენტის წარმომადგენლებმა, სტუდენტებთან ერთად, მომხმარებლის უფლებების დაცვის სფეროში არსებული მნიშვნელოვანი საკითხები მიმოიხილეს და მათ მიერ დასმულ კითხვებს უპასუხეს.

GCCA-ის სასწავლო კვლევითი ცენტრი საინფორმაციო-საგანმანათლებლო შეხვედრებს საზოგადოების სხვადასხვა სფეროს წარმომადგენლებთან თბილისსა და რეგიონებში პერმანენტულად მართავს“,- აღნიშნულია ინფორმაციაში.