აშშ-მა კარიბის ზღვაში ნარკოტიკების გადამზიდ კიდევ ერთ ნავს დაარტყა, - ინფორმაციას აშშ-ის თავდაცვის მდივანი, პიტ ჰეგსეტი ავრცელებს.

„პრეზიდენტ ტრამპის ბრძანებით, ომის დეპარტამენტმა კარიბის ზღვაში ნარკოტიკების გადამზიდ კიდევ ერთ ნავზე ლეტალური კინეტიკური დარტყმა განახორციელა“, - წერს პიტ ჰეგსეტი X-ზე.

ჰეგსეტის თქმით, „დარტყმის დროს, რომელიც საერთაშორისო წყლებში განხორციელდა, ნავზე სამი ნარკოტერორისტი იმყოფებოდა“.

„ყველა ტერორისტი დაიღუპა. დარტყმის შედეგად არცერთი ამერიკელი სამხედრო მოსამსახურე არ დაშავებულა“, - აღნიშნავს აშშ-ის თავდაცვის მდივანი.