ჩეხეთის საპარლამენტო არჩევნებში გამარჯვებულმა ანდრეი ბაბიშმა მემარჯვენე პარტიებთან კოალიციური მთავრობის შექმნის შესახებ შეთანხმება გააფორმა, - ინფორმაციას Reuters-ი ავრცელებს.

გამოცემის ცნობით, ჩეხეთის ყოფილი პრემიერ-მინისტრის, ანდრეი ბაბიშის პარტია ANO კოალიციურ მთავრობას მემარჯვენე ევროსკეპტიკოს პარტიებთან „მოტორისტები თავისთვის“ და „თავისუფლება და პირდაპირი დემოკრატია“ ქმნის.

„ჩვენი ორიენტაცია ნათელია, მაგრამ იქ მხოლოდ დამსწრეებად არ ვიქნებით. ევროპულ საბჭოში, ასევე ნატო-ში, ჩვენი ინტერესებისთვის ვიბრძოლებთ“, - განაცხადა ბაბიშმა.

შეგახსენებთ, გასულ თვეში ჩატარებულ ჩეხეთის საპარლამენტო არჩევნებში ანდრეი ბაბიშის პარტია ANO-მ ამომრჩეველთა ხმების 34.5%-ით პირველი ადგილი დაიკავა.