ეს ქვეყანა ჩვენია, საქართველოს ადგილი ევროპაშია, - ამ ლოზუნგებით აჭარის მთავრობის სახლთან და საქართველოს საკონსტიტუციო სასამართლოს შენობასთან, საპროტესტო აქციის მონაწილეები 345-ე დღეა იკრიბებიან.

მათი განცხადებით, სინდისის პატიმრებს სოლიდარობას უცხადებენ. როგორც აქციის მონაწილეები აღნიშნავენ, ხელისუფლებამ ყველა კანონი სათავისოდ მოირგო და ევროპული მომავლისთვის მებრძოლი ახალგაზრდები ციხეში გაუშვა.

„უფრო მეტი ადამიანი უნდა გამოვიდეს და პროტესტში მიიღოს მონაწილეობა. პატრიოტებს, რომლებიც საპატიმროებში იმყოფებიან, მხარდაჭერა უნდა გამოვუცხადოთ. ქვეყანას სჭირდება გადარჩენა. ქვეყანაში ავტორიტარიზმი მყარდება“, - აცხადებენ შეკრებილები.