პარლამენტთან საპროტესტო აქცია მიმდინარეობს
რუსთაველის გამზირზე საპროტესტო აქცია მიმდინარეობს. მოქალაქეები უშუალოდ პარლამენტის წინ არიან შეკრებილები.
გზასთან კი პოლიციას კორდონია აქვს მოწყობილი და აქციის მონაწილეებს გზაზე გადასვლის საშუალებას არ აძლევენ.
აქციის მონაწილეებს პოლიციელების მიმართულებით ხელში უჭირავთ ბანერები წარწერებით: “პოლიციელო, ცრუ მოწმეობაზე მეტს არ იმსახურებ?”; “პოლიციელო, ყველა კანონი კანონიერია?”; “პოლიციელო, ევროკავშირში გაწევრიანებულ საქართველოში შენც უკეთ იცხოვრებ”; “პოლიციელო, ბოლოს როდის გეყო ხელფასი?”.
დღესაც, აქციის მონაწილეები საკანონმდებლო ორგანოსთან უცვლელი მოთხოვნით შეიკრიბნენ - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.
