საშინელი სცენები კიევში რუსეთის მიერ საცხოვრებელი რაიონების უწყვეტი, განურჩეველი დაბომბვის შემდეგ, - ასე ეხმაურება ევროპარლამენტის პრეზიდენტი, რობერტა მეცოლა რუსეთის მიერ უკრაინის წინააღმდეგ წუხელ განხორციელებულ თავდასხმას.

მისი თქმით, კიდევ უფრო მეტი უდანაშაულო ადამიანი გახდა იძულებული, გადაეხადა უმაღლესი ფასი რუსეთის უკანონო ომისთვის.

„არ დავუშვებთ გულგრილობის შემოპარვას და არასდროს შევეგუებით აგრესიის ნორმალიზაციას. ევროპარლამენტი კვლავაც უკრაინელი ხალხის გვერდით იდგება, რადგან ისინი თავისუფლებისთვის იბრძვიან“, - წერს მეცოლა.

შეგახსენებთ, რუსეთმა წუხელ უკრაინას რაკეტებით და დრონებით შეუტია, რის შედეგადაც კიევში 4 ადამიანი დაიღუპა და 26 დაშავდა.