მსვლელობის მონაწილეები რუსთაველის გამზირზე დაბრუნდნენ და პროტესტს პარლამენტთან აგრძელებენ.

მოქალაქეები, რომლებიც პარლამენტთან შეიკრიბნენ, მსვლელობით ჯერ მთავრობის ადმინისტრაციასთან მივიდნენ, სადაც საქართველოსა და ამერიკის დროშები გაშალეს.

მთავრობის ადმინისტრაციასთან პერფორმანსის შემდეგ თბილისის სხვადასხვა ქუჩაში გააგრძელეს მსვლელობა.

როგორც მსვლელობის დაწყებამდე აქციის მონაწილეებმა განაცხადეს, დღევანდელი პროტესტის თემა სიმბოლურია და ის საქართველო-ამერიკის მეგობრობას ეხება.