აშშ-ის ვიცე-პრეზიდენტის, ჯეი დი ვენსის განცხადებით, უკრაინაში კონფლიქტის დასრულების ნებისმიერმა გეგმამ უნდა შეწყვიტოს მკვლელობები და შეინარჩუნოს უკრაინის სუვერენიტეტს.

„უკრაინა-რუსეთის ნებისმიერმა სამშვიდობო გეგმამ უნდა: შეწყვიტოს მკვლელობები უკრაინის სუვერენიტეტის შენარჩუნებით, იყოს მისაღები როგორც რუსეთისთვის, ასევე უკრაინისთვის, მაქსიმალურად გაზარდოს ომის თავიდან აცილების შანსი“, - წერს აშშ-ის ვიცე-პრეზიდენტი სოციალურ პლატფორმა X-ზე.

მისი თქმით, ფანტაზიაა ის, რომ თუ უკრაინას მეტ ფულს, მეტ იარაღს მისცემენ, გამარჯვების მოპოვება მალე გახდება შესაძლებელი.

„არსებობს ფანტაზია, რომ თუ უბრალოდ მეტ ფულს, მეტ იარაღს მივცემთ, ან მეტ სანქციებს დავაწესებთ, გამარჯვება ახლოსაა. მშვიდობას ვერ დაამყარებენ წარუმატებელი დიპლომატები ან პოლიტიკოსები, რომლებიც ფანტაზიების სამყაროში ცხოვრობენ. შესაძლოა, ის რეალურ სამყაროში მცხოვრებმა ჭკვიანი ადამიანებმა შექმნან“, - წერს აშშ-ის ვიცე-პრეზიდენტი.