ემოციური ინტელექტის ძალა ეფექტურ კომუნიკაციაში
თანამედროვე სამყაროში, სადაც ურთიერთობები და კომუნიკაცია დიდწილად განსაზღვრავს წარმატებას როგორც პირად, ისე პროფესიულ ცხოვრებაში, ემოციურმა ინტელექტმა კიდევ უფრო დიდი მნიშვნელობა შეიძინა.
კვლევების მიხედვით ემოციურ ინტელექტთან დაკავშირებულ უნარებზე მოთხოვნა შემდეგ ხუთ წელიწადში 26%-ით გაიზრდება.
“ფლომასტერის” ეფექტური კომუნიკაციის ტრენინგში (ICCP) ემოციურ ინტელექტს მნიშვნელოვანი ადგილი უჭირავს, რადგან ის ეხმარება მონაწილეებს უკეთ გაიგონ საკუთარი და სხვების ემოციები და რთულ კომუნიკაციებში სიმშვიდე შეინარჩუნონ. ემოციური ინტელექტის გამოყენებით მონაწილეები სწავლობენ, როგორ მართონ კონფლიქტები, მოახდინონ გავლენა და დაარწმუნონ ადამიანები ისე, რომ თავიდან აიცილონ დაძაბულობა.
რა არის ემოციური ინტელექტი?
ემოციური ინტელექტი (EQ) არის ადამიანის უნარი ამოიცნოს, გაიგოს და მართოს საკუთარი ემოციები, ასევე გაიგოს და გავლენა მოახდინოს სხვების ემოციებზე.
მაღალი ემოციური ინტელექტის მქონე ადამიანებს შეუძლიათ სწრაფად ამოიცნონ საკუთარი გრძნობები სხვადასხვა სიტუაციაში - იციან რა იწვევს მათ სიხარულს, ფრუსტრაციას ან გაღიზიანებას. ისინი ასევე ემოციურად დატვირთულ სიტუაციებშიც კი ახერხებენ იმპულსური რეაქციების შეკავებას და გააზრებული გადაწყვეტილებების მიღებას.
რაც შეეხება ემპათიას, ემოციურად ინტელექტუალური ადამიანებს არა მხოლოდ ესმით სხვების სიტყვები, არამედ "კითხულობენ" არავერბალურ სიგნალებს - სახის გამომეტყველებას, ხმის ტონს, სხეულის ენას.
ემოციური ინტელექტი ხუთ ძირითად კომპონენტს მოიცავს:
- თვითშემეცნება - საკუთარი ემოციების და მათი გავლენის გაცნობიერება
- თვითრეგულაცია - საკუთარი ემოციების ეფექტური მართვის უნარი
- მოტივაცია - შინაგანი მამოძრავებელი ძალა მიზნების მისაღწევად
- ემპათია - სხვების გრძნობების გაგების უნარი
- სოციალური უნარები - ურთიერთობების ეფექტური მართვა
თანამედროვე სამუშაო გარემოში ემოციური ინტელექტი განსაკუთრებით მნიშვნელოვანია. კვლევები აჩვენებს, რომ მაღალი EQ-ის მქონე თანამშრომლები:
- უფრო წარმატებულები არიან გუნდურ მუშაობაში
- უკეთესად მართავენ სტრესულ სიტუაციებს
- არიან უფრო ძლიერი ლიდერები
- ამყარებენ მდგრად პროფესიულ ურთიერთობებს
- უფრო ეფექტურად მოქმედებენ ცვლილებებზე
ემოციური ინტელექტის როლი კომუნიკაციაში
ეფექტური კომუნიკაცია არ გულისხმობს მხოლოდ სიტყვების სწორად შერჩევას. ის მოითხოვს ემოციურ კავშირს, ურთიერთგაგებასა და ნდობას. ხშირად ადამიანებს ახსოვთ არა ის, თუ რა მოისმინეს თქვენგან, არამედ როგორ აგრძნობინეთ მათ თავი.
როგორ გამოვიყენოთ ემოციური ინტელექტი კომუნიკაციისას?
- “კომუნიკაცია იწყება მოსმენით”
აქტიური მოსმენა ემოციური ინტელექტის საფუძველია. მაღალი EQ-ის მქონე ადამიანები არა მხოლოდ სიტყვებს უსმენენ, არამედ ყურადღებას აქცევენ ხმის ტონს, პაუზებს, სხეულის ენას და იმას, რაც მოსაუბრემ შესაძლოა სიტყვებით სულაც არ გამოხატოს.
რას ნიშნავს აქტიური მოსმენა:
- ყურადღება დაუთმეთ მხოლოდ მოსაუბრეს და შეინახეთ ისეთი ნივთები, რამაც შეიძლება ხელი შეგიშალოთ;
- ნუ მოამზადებთ პასუხს წინასწარ - ჯერ მოისმინეთ რას ამბობს მეორე მხარე;
- დაუსვით დამაზუსტებელი კითხვები - "სწორად გავიგე რომ...?";
- ამოიცანით ემოცია სიტყვების მიღმა - თუ ვიღაც ამბობს "ყველაფერი კარგადა”, მაგრამ დაღლილი ხმა აქვს, ნამდვილი მესიჯი შეიძლება იყოს ის, რომ დახმარება სჭირდება.
2. კონფლიქტების ეფექტურად მოგვარება
კონფლიქტები გარდაუვალია ნებისმიერ ურთიერთობაში. ემოციური ინტელექტი საშუალებას გაძლევთ დაინახოთ სიტუაცია სხვადასხვა პერსპექტივიდან, შეინარჩუნოთ სიმშვიდე სტრესული სიტუაციის დროს და იპოვოთ კონსტრუქტული გადაწყვეტილებები, რომლებიც ყველა მხარეს აკმაყოფილებს.
კვლევების მიხედვით, მენეჯერების 75% კანდიდატის დაწინაურებამდე მის ემოციურ ინტელექტსაც აფასებს. წარმოიდგინეთ, რომ შეხვედრაზე ორი კოლეგა კამათობს — ერთისთვის მთავარი არის სიჩქარე, მეორისთვის კი ხარისხი. დაბალი EQ-ის მქონე ლიდერი სწრაფად აწესებს საკუთარ გადაწყვეტილებას და ორივე თანამშრომელს გულგატეხილს ტოვებს. მაღალი EQ-ის მქონე ლიდერი კი უსმენს ორივეს, არკვევს მათ მოტივებს (ერთს აწუხებს დედლაინის გაცდენა, მეორეს — რეპუტაციის შესაძლო ზიანი) და სთავაზობს გადაწყვეტილებას, რომელიც ორივე ინტერსს აერთიანებს.
3. ნდობის ჩამოყალიბება
როდესაც ადამიანები გრძნობენ, რომ მათი ესმით და აფასებენ, ისინი მზად არიან გახსნილად ისაუბრონ და თქვენი არგუმენტებიც გაითვალისწინონ. ნდობა ამცირებს თავდაცვით პოზიციას და ზრდის მზადყოფნას თანამშრომლობისთვის — სწორედ ეს არის დარწმუნების საფუძველი. “ფლომასტერის” ტრენინგებზე ხშირად ვამბობთ, რომ ემოციური ინტელექტი ნდობის ატმოსფეროს შექმნაში დიდ როლს თამაშობს.
- გავლენის მოხდენა და დარწმუნება
გავლენიანი ლიდერები და კომუნიკატორები ემოციურ ინტელექტს იყენებენ იმისთვის, რომ შთააგონონ და მოტივაცია მისცენ სხვებს. ისინი ხედავენ, რა ამოძრავებს თითოეულ ადამიანს — შიში, ამბიცია, პასუხისმგებლობა თუ აღიარების სურვილი — და ამის შესაბამისად აწყობენ საკუთარ მესიჯს.
წარმოიდგინეთ, რომ ცდილობთ კოლეგა ახალი სტრატეგიის განხორციელებაში დაარწმუნოთ, ის კი წინააღმდეგია. თუ ეტყვით, რომ გესმით მისი პოზიცია და ისიც, თუ რატომ იკავებს თავს ამ ნაბიჯის გადადგმისგან, უფრო მაღალია იმის ალბათობა, რომ საბოლოოდ მისი დარწმუნება შეძლოთ.
როგორ განვავითაროთ ემოციური ინტელექტი?
ემოციური ინტელექტი არ არის თანდაყოლილი თვისება - ის შეიძლება განვავითაროთ და გავაუმჯობესოთ. გთავაზობთ რამდენიმე პრაქტიკულ რჩევას:
- თვითშემეცნებისთვის ვარჯიში
- დაიწყეთ დღიური, სადაც რეგულარულად აღწერთ თქვენს ემოციებს, რეაქციებს რთულ სიტუაციებში და ისწავლეთ რა მოგწონთ და რა გაღიზიანებთ.
- ითხოვეთ კონსტრუქციული უკუკავშირი მეგობრებისგან, კოლეგებისგან.
- დაუთმეთ დრო საკუთარ რეაქციებზე ფიქრს, განსაკუთრებით მაშინ, როცა საქმე ძლიერ ემოციებს ეხება;
- ემპათიის განვითარება
- შეეცადეთ დაინახოთ სიტუაცია სხვის თვალით — წარმოიდგინეთ, რას განიცდის სხვა, რა ღირებულებებს აფასებს და რა შიშები აქვს.
- დაუსვით კითხვები მოსაუბრეს.
- ყურადღება მიაქციეთ არავერბალურ სიგნალებს — სხეულის ენა, ტონი, გამომეტყველება ხშირად ბევრად მეტს ამბობს ვიდრე სიტყვები.
- ემოციების რეგულირების სწავლება
- რეგულარული მედიტაცია, სუნთქვის ტექნიკა და ცნობიერების ვარჯიშები გვეხმარება ემოციების კონტროლში;
- გააკეთეთ მცირე პაუზა, მანამ, სანამ რეაქცია გექნებათ;
- შეეცადეთ სტრესულ სიტუაციებში ემოცია სიფრთხილით გამოხატოთ;
ემოციური ინტელექტი გავლენიანი კომუნიკაციის ერთ-ერთი მნიშვნელოვანი კომპონენტია. იგი გვეხმარება შევქმნათ კავშირები, ვიმოქმედოთ ეფექტურად კომპლექსურ სიტუაციებში და ჩვენს პირად და პროფესიულ ცხოვრებაში უკეთეს შედეგებს მივაღწიოთ.
(R)
