ჰონგ-კონგის საცხოვრებელ კომპლექსში ხანძრის შედეგად დაღუპულთა რიცხვი 146-მდე გაიზარდა, - ინფორმაციას BBC-ი ავრცელებს.

გამოცემის ცნობით, ადგილობრივმა პოლიციამ დღეს გამართულ პრესკონფერენციაზე განაცხადა, რომ დაღუპულთა რაოდენობა, შესაძლოა, კიდევ უფრო გაიზარდოს.

მათივე ინფორმაციით, ხანძრის შედეგად დაშავებულია 79 ადამიანი, 150 პირი კი - დაკარგულად ითვლება.

შეგახსენებთ, ჰონგ კონგის მაღალსართულიან საცხოვრებელ კომპლექსში ხანძარი ოთხშაბათს გაჩნდა. მეხანძრეებმა ცეცხლის სრულად ჩაქრობა პარასკევს შეძლეს. ხანძრის ზუსტი მიზეზი ჯერ კიდევ უცნობია. მომხდართან დაკავშირებით რამდენიმე ადამიანი კორუფციის და გაუფრთხილებლობით სიცოცხლის მოსპობის ბრალდებებით დააკავეს. ხელისუფლების წარმომადგენლების თქმით, გამოძიებას შესაძლოა 3-4 კვირა დასჭირდეს.