საქართველოს პარლამენტის შენობასთან საპროტესტო აქცია მიმდინარეობს.

აქციის მონაწილეები ქვეყანაში ახალი, სამართლიანი არჩევნების ჩატარებას და აქციაზე დაკავებულების გათავისუფლებას მოითხოვენ.

მათ გაშლილი აქვთ საქართველოსა და ევროკავშირის დროშები, ასევე, ბანერები, წარწერით: "არ იქნება სამართალი, არ იქნება მშვიდობა".

პარლამენტის მოპირდაპირე მხარეს და მიმდებარე ტერიტორიაზე მობილიზებული არიან სამართალდამცველები.

პოლიციამ აქციის მონაწილეებს მოუწოდა, გზაზე არ გადავიდნენ და მოძრაობა არ შეაფერხონ.