სტივ უიტკოფი მოსკოვში ჩადის
აშშ-ის სპეციალური წარმომადგენელი, სტივ უიტკოფი დღეს მოსკოვში გაემგზავრება, - ინფორმაციას CNN-ი ავრცელებს.
CNN-ის ცნობით, უიტკოფი რუსეთის დედაქალაქში, სავარაუდოდ, პრეზიდენტ ვლადიმერ პუტინს შეხვდება.
კვირას უიტკოფი ფლორიდაში, სახელმწიფო მდივან მარკო რუბიოსა და აშშ-ის პრეზიდენტ დონალდ ტრამპის სიძესთან, ჯარედ კუშნერთან ერთად, მაღალი დონის უკრაინულ დელეგაციას შეხვდა.
შეხვედრის შემდეგ რუბიომ განაცხადა, რომ პროგრესი მიღწეულია, მაგრამ კიდევ ბევრი სამუშაოა ჩასატარებელი.
