ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, კაია კალასი აცხადებს, რომ მიმდინარე კვირა უკრაინის საკითხთან დაკავშირებული დიპლომატიისთვის, შესაძლოა, გადამწყვეტი იყოს.

„ცხადია, რომ რუსეთს მშვიდობა არ სურს და ამიტომ ჩვენ უნდა გავაძლიეროთ უკრაინა, რათა ისინი მზად იყვნენ საკუთარი თავის დასაცავად ამ ძალიან, ძალიან რთულ დროს“, - აღნიშნა კალასმა ბრიუსელში ევროკავშირის საგარეო საქმეთა და თავდაცვის მინისტრების შეხვედრის დაწყებამდე.

მისი თქმით, ევროკავშირმა უნდა გააგრძელოს რუსეთზე ზეწოლა შემდგომი სანქციების დაწესებით, უკრაინისთვის ე.წ. „სარეპარაციო სესხის“ გამოყოფით და ასევე სამხედრო, ფინანსური და ჰუმანიტარული მხარდაჭერით.