ჰონგ-კონგში საცხოვრებელ კომპლექსში გაჩენილი ხანძრის შედეგად დაღუპულთა რიცხვი 151-მდე გაიზარდა, - ინფორმაციას Reuters-ი ავრცელებს.

ჰონგ-კონგის პოლიციის განცხადებით, 40-ზე მეტი ადამიანი ჯერ კიდევ დაკარგულად ითვლება.

„ცხედრების ნაწილი ფერფლად იქცა, ამიტომ შესაძლოა ყველა დაკარგული ადამიანი ვერ ვიპოვოთ“, - განაცხადა პოლიციის წარმომადგენელმა, სანგ შუკ-ინმა.

ასევე, პოლიციის ცნობით, მომხდართან დაკავშირებით მიმდინარე გამოძიების ფარგლებში კორუფციისა და გაუფრთხილებლობით სიცოცხლის მოსპობის ბრალდებებით 13 ადამიანი დააკავეს.

შეგახსენებთ, ჰონგ კონგის მაღალსართულიან საცხოვრებელ კომპლექსში ხანძარი გასულ ოთხშაბათს გაჩნდა. მეხანძრეებმა ცეცხლის სრულად ჩაქრობა პარასკევს შეძლეს. ხანძრის გაჩენის ზუსტი მიზეზი ჯერ კიდევ უცნობია.