ინდონეზიაში წყალდიდობის შედეგად დაღუპულთა რიცხვმა 800-ს გადააჭარბა, - ინფორმაციას Reuters-ი ავრცელებს.

გამოცემის ინფორმაციით, კუნძულ სუმატრაზე წყალდიდობის შედეგად დაღუპულთა რიცხვი 804-ს აღწევს.

კუნძულის ხელისუფლებამ ცენტრალურ მთავრობას დახმარებისთვის მიმართა, კერძოდ, საწვავისა და საკვების მიწოდება ითხოვა.

ბოლო მონაცემებით, ინდონეზიაში წყალდიდობის შედეგად 3.3 მილიონი ადამიანი დაზარალდა, ხოლო 634 ადამიანი დაკარგულად ითვლება.

ცნობისთვის, ბოლო ერთი კვირის განმავლობაში სამხრეთ-აღმოსავლეთ აზიაში მოსულ ძლიერ წვიმებს ინდონეზიაში, მალაიზიაში, შრი-ლანკასა და ტაილანდში 1200 ადამიანი ემსხვერპლა.