აშშ-ის ვიცე-პრეზიდენტის, ჯეი დი ვენსის განცხადებით, რუსეთ-უკრაინის ომის დასრულების შესახებ შეთანხმების მიღწევის ჩაშლა მისი თანამდებობაზე ყოფნის ყველაზე დიდ იმედგაცრუება.

კითხვაზე, რა არის ვიცე-პრეზიდენტის თანამდებობაზე ყოფნის პერიოდში მისი ყველაზე დიდი იმედგაცრუება, ჯეი დი ვენსმა უპასუხა :

„რუსეთ-უკრაინის საკითხი, ვფიქრობ, მთელი თეთრი სახლისთვის მუდმივი იმედგაცრუების წყაროა. ნამდვილად ვფიქრობდით - და თქვენ მილიონჯერ გსმენიათ პრეზიდენტისგან ეს - რომ ეს იქნებოდა ყველაზე მარტივად მოსაგვარებელი ომი და თუ ახლო აღმოსავლეთში მშვიდობის მიღწევას აღმოსავლეთ ევროპაში მშვიდობის მიღწევაზე უფრო ადვილად ჩათვლიდით, გეტყოდით, რომ გაგიჟდით“, - აღნიშნა აშშ-ის ვიცე პრეზიდენტმა.

ამასთან, მისი განცხადებით, ოპტიმიზმს ინარჩუნებს და ამ საკითხში მნიშვნელოვან პროგრესს ხედავს.

„ვფიქრობ, რომ, რა თქმა უნდა, დიდი პროგრესი გვაქვს, მაგრამ ჯერ კიდევ არ გადაგვიკვეთავს ფინიშის ხაზი. ვფიქრობ, იმედი არსებობს - იმედია, მომდევნო რამდენიმე კვირაში ამ კუთხით კარგი ამბები იქნება“, - აღნიშნა აშშ-ის ვიცე-პრეზიდენტმა.