პარლამენტთან აქციების დროს დაკავებულების ოჯახის წევრებმა განცხადება გააკეთეს.

მათი თქმით, პატიმრების მშობლები ხელისუფლებას მოუწოდებენ, გაასაჯაროონ იმ ქიმიური ნივთიერებების სახელწოდება, რომლებიც 2024 წლის აქციების დასაშლელად გამოიყენეს.

როგორც ისინი აცხადებენ, ამავე მოთხოვნით ხვალ, 6 დეკემბერს, 19:00 საათზე, ფილარმონიასთან აქცია-მსვლელობა გაიმართება.

„ხვალ გავმართავთ აქციას და მოვუწოდებთ მარიონეტ ხელისუფლებას გაასაჯაროოს, თუ რა ნივთიერება გამოიყენეს. არ უარყოფენ, რომ გამოიყენეს ნივთიერება, მაგრამ ეს არ იყო მომწამვლელიო. თუ არ იყო მომწამვლელი, ჩვენ მოვითხოვთ, აღიარონ, რა იყო ეს ნივთიერება.

ჩვენ არ ვენდობით აქაურ გამოძიებას, ამიტომ ვითხოვთ საერთაშორისო გამოძიებას”,- ნათქვამია პატიმრების ოჯახის წევრების ერთობლივ განცხადებაში.