საქართველოს კულტურის სამინისტროს მხარდაჭერით, საშობაო-საახალწლო ღონისძიებების ფარგლებში, სახელმწიფო კამერული გუნდი, სოლო კონცერტს გამართავს. ღონისძიება 27 დეკემბერს, რუსთაველის ეროვნული თეატრის მცირე დარბაზში გაიმართება.

„შესრულდება ქართველი და ევროპელი კომპოზიტორების ნაწარმოებები. კონცერტი ერთგვარი მუსიკალური მედიტაციაა - მუსიკის მეშვეობით ჭვრეტა შობის დღესასწაულის იდუმალი და მანუგეშებელი მშვენიერებისა. გუნდი, საკუთარ და მოწვეულ სოლისტებთან ერთად შეასრულებს: იოსებ კეჭაყმაძის, ვახტანგ კახიძის, გია ყანჩელის, ზვიად ბოლქვაძის, ჰენრი პერსელის, ჟან ფილიპ რამოს, ფრანც ქსავიე გრუბერის, ჯონ დაიკსის, ენიო მორიკონეს მუსიკას.

მოწვეული მუსიკოსები:

ნატალია ქუთათელაძე

ვადიმ შიშკინი

ეკატერინე კიკნაველიძე

ნინა მიჩილაშვილი

მირიან კვალიაშვილი

გუნდის სამხატვრო ხელმძღვანელი:

სვიმონ ჯანგულაშვილი

ბილეთები იყიდება biletebi.ge- ზე: https://shorturl.at/EvL9w“ - ნათქვამია ინფორმაციაში.