ბერლინში უკრაინისა და აშშ-ის დელეგაციებს შორის მოლაპარაკებები დასრულდა, - ინფორმაციას უკრაინული მედია ავრცელებს.

წყაროს ცნობით, შეხვედრა დღეს დილით, ადგილობრივი დროით დაახლოებით 11:00 საათზე დაიწყო და მასში პრეზიდენტი ვოლოდიმირ ზელენსკიც მონაწილეობდა.

დღესვე ბერლინში ელოდებიან საფრანგეთის პრეზიდენტ ემანუელ მაკრონს, გაერთიანებული სამეფოს პრემიერ-მინისტრ კირ სტარმერს, ნიდერლანდების პრემიერ-მინისტრ დიკ შუფს და იტალიის პრემიერ-მინისტრ ჯორჯია მელონის.

რაც შეეხება ფინეთის პრეზიდენტ ალექსანდრ სტუბს, მედიის ცნობით, ის ბერლინში კვირას ჩავიდა და დონალდ ტრამპის წარმომადგენლებსა და ვოლოდიმირ ზელენსკის შეხვდა.

უკრაინის პრეზიდენტის ადმინისტრაციის ინფორმაციით, ზელენსკი ევროპელ ლიდერებს დღეს, კიევის დროით 20:00 საათზე შეხვდება.