ევროპის ყველა ნაწილში საკმარისი ძალა უნდა იყოს ნებისმიერი საფრთხის საწინააღმდეგოდ და თანამედროვე დრონები თავდაცვის ნამდვილი იარაღია, - ამის შესახებ უკრაინის პრეზიდენტმა, ვოლოდიმირ ზელენსკიმ პორტუგალიის პრემიერ-მინისტრთან ლუის მონტენეგროსთან შეხვედრის შემდეგ განაცხადა.

ზელენსკის ინფორმაციით, დღეს უკრაინამ და პორტუგალიამ ერთობლივი განცხადება გაავრცელეს საზღვაო დრონების წარმოებასთან დაკავშირებით პარტნიორობის დამყარების შესახებ.

„მას ხელი მოვაწერეთ პორტუგალიის პრემიერ-მინისტრთან ერთად, რომელიც დღეს პირველი ვიზიტით იმყოფება უკრაინაში. ეს ამჟამად ჩვენი თავდაცვის ძალისხმევის ერთ -ერთი ყველაზე პერსპექტიული სფეროა. მნიშვნელოვანია შედეგების მიღწევა. ევროპის ყველა ნაწილში საკმარისი ძალა უნდა იყოს ნებისმიერი საფრთხის წინააღმდეგოდ და თანამედროვე დრონები თავდაცვის ნამდვილი იარაღია“, - წერს ზელენსკი სოციალურ პლატფორმა X-ზე.

მან პორტუგალიის მიმართ მადლიერება გამოხატა უკრაინის პრიორიტეტული მოთხოვნების სიის (PURL) პროგრამაში შეტანილი წვლილისთვის, რომელიც ქვეყანას ამერიკული იარაღის შეძენის საშუალებას აძლევს.

„პორტუგალიამ ასევე მხარი დაუჭირა ერთობლივ ევროპულ გადაწყვეტილებას მომდევნო წლებისთვის უკრაინის ფინანსური უსაფრთხოების გარანტიის შესახებ - 90 მილიარდ ევროს უკრაინისთვის, რაც ძალიან ხელშესახებია“, - აცხადებს ზელენსკი.

შეგახსენებთ, პორტუგალიის პრემიერ-მინისტრი კიევში დღეს ჩავიდა.