უკრაინის დაზვერვა - ლიპეცკის აეროდრომზე, სპეცოპერაციის შედეგად, მტრის „სუ-30“ და „სუ-27“ ტიპის სამხედრო თვითმფრინავები დაიწვა
უკრაინის თავდაცვის სამინისტროს მთავარი სადაზვერვო სამმართველოს ცნობით, ლიპეცკში რუსეთის სამხედრო აეროდრომზე წარმატებული ოპერაცია განახორციელეს, რის შედეგადაც მტრის „სუ-30“ და „სუ-27“ ტიპის ორი მოიერიშე თვითმფრინავი განადგურდა.
უწყების ცნობით, 20-21 დეკემბრის ღამეს ლიპეცკის მახლობლად მდებარე რუსეთის სამხედრო აეროდრომზე ხანძარი გაჩნდა და მტრის კუთვნილი ძვირადღირებული „სუ-30“ და „სუ-27“ ტიპის მოიერიშე თვითმფრინავები დაიწვა.
„უკრაინის თავდაცვის სამინისტროს მთავარი სადაზვერვო სამმართველოს მიერ ჩატარებული ოპერაციის შედეგად, აგრესორის ორივე სამხედრო თვითმფრინავი მწყობრიდან გამოვიდა. მათი სავარაუდო ჯამური ღირებულება 100 მილიონ დოლარამდეა“, - აცხადებენ უწყებაში.
მათი ინფორმაციით, ლიპეცკის მახლობლად მდებარე აეროდრომზე სპეცოპერაციის დაგეგმვას ორი კვირა დასჭირდა.
