მღელვარე სამყაროში, რომელიც სულ უფრო სწრაფად მოძრაობს, შობა გვთავაზობს პაუზის იშვიათ მომენტს, რომ ვისუნთქოთ, შევანელოთ ტემპი და გავიხსენოთ, რა არის ნამდვილად მნიშვნელოვანი, - ამის შესახებ ევროკომისიის პრეზიდენტი, ურსულა ფონ დერ ლაიენი სოციალურ პლატფორმა X-ზე წერს.

მისი თქმით, დიდ მადლიერებას უცხადებს ყველას, ვინც ამ განსაკუთრებულ დღეს სხვებზე ზრუნვაში ატარებს, საავადმყოფოებში, თავშესაფრებსა და სახლებში.

„თქვენ განასახიერებთ იმ ღირებულებებს, რომლებსაც შობა წარმოადგენს: სოლიდარობას და თანაგრძნობას. განსაკუთრებით ვფიქრობთ ჩვენს უკრაინელ მეგობრებზე. ვიმედოვნებთ, რომ მომავალი წელი საბოლოოდ მოიტანს სამართლიან და ხანგრძლივ მშვიდობას და უსაფრთხო, აყვავებულ მომავალს ჩვენს კავშირში“, - აცხადებს ევროკომისიის პრეზიდენტი.