უკრაინის ქალაქ ჩერნიჰივში რუსულმა დრონმა ხუთსართულიან საცხოვრებელ შენობას დაარტყა, რასაც მშვიდობიან მოსახლეობაში მსხვერპლი მოჰყვა, - ინფორმაციას უკრაინული მედია საქალაქო-სამხედრო ადმინისტრაციის ხელმძღვანელზე, დიმიტრი ბრიჟინსკიზე დაყრდნობით ავრცელებს.

„წინასწარი ინფორმაციით, ერთი ადამიანი დაიღუპა. სამი ადამიანი დაშავდა, მათ შორის ერთი ბავშვი“, - აცხადებს ბრიჟინსკი.

თავდაპირველად გავრცელდა ინფორმაცია, რომ თავდასხმის შედეგად 2 ადამიანი დაიღუპა და 5 დაშავდა.