ელექტროენერგიის სამომხმარებლო ტარიფთან დაკავშირებული ცვლილებები სამი თვით გადავადდა.

აღნიშნული გადაწყვეტილება საქართველოს ენერგეტიკისა და წყალმომარაგების მარეგულირებელმა კომისიამ სხდომაზე გამოაცხადა.

როგორც სემეკის სხდომაზე საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ განაცხადა, ტარიფების ცვლილების გადავადებასთან დაკავშირებით სემეკს მიმართა ელექტროენერგიის გამანაწილებელმა კომპანიამ, რადგან აღმოჩნდა საკითხები, რომელსაც არ ეთანხმებოდნენ.

„აქედან გამომდინარე ითხოვს დროს და იმას, რომ 3 თვით ახალი ტარიფები გადავწიოთ. კომისიას ამ წერილს საკმარის საფუძვლად მიიჩნევს, რომ დღეს არსებული ტარიფები უცვლელად იქნას დატოვებული. დავადგინოთ დროებითო ტარიფი, რომელიც იქნება არსებული ტარიფი“, - განაცხადა ნარმანიამ სხდომაზე.

კომისიაზე საკითხს კენჭი უყარეს და შედეგად, დამტკიცდა.

ცნობისთვის, ამ დროისთვის თბილისში მცხოვრები აბონენტები, რომლებიც ყოველთვიურად 0-დან 101 კილოვატამდე ელექტროენერგიას მოიხმარენ ერთ კილოვატში 15,041 თეთრს იხდიან.